DAVAO CITY – Gi-awhag ang mga motambong sa freedom rally sa Rizal Park karong hapon nga magsul-ob ug kolor pula o kaha kolor blue isip suporta sa panggamhanan ni Pangulong Rodrigo Duterte isip tugbang sa 31th Edsa People Power Celebration nga mobatok kang Duterte.
Sumala pa kang Boy De la Cruz, Secretary General sa Hugpong Federal Movement nga modawat sab sila ug mga individual o grupo nga mag-perform sa rally.
Gi-detalye sab ni Racky Balili, Regional Convenor sa Kilusang Pagbabago nga posible sab nga moduyog ang mga local artist.
Dugang sad ni De la Cruz nga pipila ka mga speakers ang mamulong sa freedom rally aron nga awhagon ang katawhan nga paluyohan ang Duterte Administration.
Gisugdan ang nahisgutan nga kalihukan kaganinang alas 3:00 ang takna sa hapon hangtud na karong alas 12:00 sa tungang gabii sa Rizal Park.
