DAVAO CITY – Giaprubahan na sa konseho sa dakbayan ang bag-ong ordinansa nga mao ang free movie privilege sa tanang cinema sa dakbayan alang sa tanang Persons with disabilities nga adunay duly issued PWD ID gikan sa City government of Davao.
Sumala ni Councilor Jessica M. Bongoyan nga ang maong ordinansa napasa na ug na pirmahan ni Mayor Sebastian “Baste” Duterte ug iyang giklaro nga nalakip lang sa maong ordinansa mao ang mga Dabawenyo nga PWDs.
Dugang niya nga ang maong prebilihiyo kay “non-tranferrable ” ug sa panahon sa transaction, sigurohon lang sa ginikanan o guardian nga naa sa iyang tapad ang tag iya sa PWD card gumikan ipatuman usab ang No PWD ID,No Entry.
Ang maong Free movie privilege ma avail lang ka usa sa usa ka semana, ug mamahimong e avail kada Lunes ug ni hangyo usab ang mga cinema nga kung adunay mga blockbuster movies kung mamahimo sa second week e avail ang maong prebilihiyo.
Karong umaabot nga Hunyo 28, tanang cinema operators ug PWD operators adunay pagabuhaton nga diskusyon alangan sa Finalization sa Memorandum of Agreement kon MOA mahitungod aning PWD free movie privilege.
