Gibutyag ni kanhi Pangulong Rodrigo Duterte nga wala matud pa kini nahadlok nga ipa-cite in contempt kini sa House Quad Committee.
Mao kini ang nahimong tubag ni FPRRD human nga gitawag kini siyang talawan sa mga magbabalaod, gumikan sa wala pagtamod niini sa imbistasyon sa kamara niadtong nakalabayng adlaw, atol sa imbestigasyon labot sa extrajudicial killings ilawom sa nakalabayng administrasyon niini.
Gikanayon sa maong kanhi Pangulo nga wala gayud kini nahadlok sa Quad Comm, gani iyaha pa kini gipangbalikasan ang mga tao nga anaa sa maong Kamara, hilabi na wala sab kini nahadlok nga ipa-cite in contempt.
Kahinumdumang, hilabihang kasuko sa mga magbabalaod ngadto kang Duterte, gumikan sa wala pagtambong niini sa maong pagdungog sa Quad Comm, aron unta nga makuhaan matud pa og pagpaklaro ang pag-angkon ni Duterte nga iyaha matud pang ginasugo ang mga pulis na awhagon ang mga kriminal nga makipinusilay.
Una na usab gibutyag sa legal counsel sa kanhing Pangulo, nga dili na kini mutambong sa bisan unsang ipahigayong pagdungog sa Kamara, gumikan dili na matud pa kakumpyansahan ang mga tao nga anaa sulod sa maong Kongreso.
