Mihatag og tabang si kanhi Pangulong Rodrigo Duterte, alang sa pagbayad niini ngadto sa mga gipangkuha nga mga abogado sa iyahang anak nga si Vice President Sara Duterte, diin maoy makiglantugi sa kaso niini nga impeachment nga giduso sa mga kalaban niini sa pulitika batok sa bise presidente.
Sumala pa ni VP Sara, nga nakighinabi matud pa kini ngadto sa mga abogado, aron sa pagpangandam alang sa mga pagahimuong proseso, labot sa impeachment case nga ginaatubang niini.
Sigon pa niini, nga nagmugna na matud pa sila og usa ka grupo sa mga abugado, alang sa matag kaso aron nga mahatagan kini og kasiguradohan labot sa tama nga representasyon.
Labot sab sa pagtanyag sa iyahang amahan nga maoy mutubag sa panginahanglanong bayad ngadto sa mga gipangkuhang abogado ni VP Sara, sumala pa niini nga iyaha matud pa kining gibalibaran, gumikan nakaandam na sumala pa sila nga atubangon ang maong kaso.
Dugang pa ni VP Sara, nga nasugud sumala pa ang ilahang gibuhat nga pagpangandam, sukad niadtong nagsugod sab og hisgut si Rep. France Castro, usa ka convict sa kasong Child Abuse, nga kinahanglang palagputon si VP Sara, pinaagig pagpasaka og impeachment case.
Sa pagkakaron, duha na ka reklamo sa impeachment ang gipasa batok kang VP Sara sa Kamara, ang usa gikan sa Akbayan Partylist nga nailhang mga Liberal, ug ang usa gikan sa Makabayan Bloc nga nailhan sab nga mga walhong grupo.
