Posible nga pahamtangan ug reklamong obstruction of Justice si kanhing Pangulong Rodrigo Duterte kabahin sa gituohan kining maoy nagtago kaniadto kang Pastor Apollo Quiboloy.
Nasayran kini human nga gipangutana ni House Deputy Minority leader France Castro si Ako Bicol party-list Rep. Raul Angelo Bongalon nga nagadepensa sa pundo sa Department of Justice sa plenary debates sa Kamara alang sa proposed budget sa 2025 nga mamahimo ba nga mahimong liable si Duterte ilawom sa balaod human nga gibutyag sa kanhing presidente kaniado nga nakabalo kini kung asa nagtago si Pastor Quiboloy.
Gipangutana sab ni Castro kung makonsidera ba kining obstruction of justice. Tubag usab ni Bongalon nga aduna sumala pay klase-klaseng matang sa krimen.
Ugaling anaa kana nahisubay sa maong matang sa krimen, posible gayud nga mapasakahan kini ug kasong obstruction of justice.
Dugang pa ni Bongalon nga lantaran kining gibutyag ni Duterte nga sumala pa nakabalo kini kung asa si Pastor Quiboloy apan mibalibad kini sa pagpahibalo gumikan sikreo lamang sumala pa kini.
Hinungdan nga posible kining mapahamtangan ug obstruction of justice, hilabi na nga si Duterte usab ang gituboy isip administrator sa tanang kabtangan sa KOJC.
Una na usab nga nanawagan ang mga magbabalaod lakip na si Bongalon nga imbestigahan sumala pa ang nahimong papel ni kanhing pangulong Duterte ug sa iyahang pamilya, kabahin sa pagtago-tago kaniado ni Pastor Quiboloy.
