Gibutyag ni kanhi Pangulong Rodrigo Duterte niadtong niaging adlaw pinaagi sa usa ka presscon, labot sa tinuod matud pang ginaatubang problema sa nasud.
Lakip sa gipunting sa kanhi Pangulo, mao ang pagbaligya sa gobyerno og bulawan nga musobra sa P129 Billion, Maharlika fund nga ang target sumala pa mao ang P250 Billion, apan gikaltasan matud pa kini nga alang unta sumala pa sa GSIS ug sa SSS, rason nga og ugaling adunay mga sundalo nga magkinahanglan sa ilahang retirement, tataw nga adunay posibilidad nga dili na nila kini makuha.
Gitawag sab ni Duterte nga nag-“hemorrhage” na matud pa ang nasud karun, gumikan lakip sab ang PhilHealth, wala gipasaylo, diin gibinlan na lamang kini og P29 Billion, nga kinahangalng aduna matud pay P89 Billion nga pondo.
Gidugang pa niini nga wala gayud sumala pay makita nga bisan unsang bag-ong proyekto nga nahuman sa kasamtangang administrasyon, puro lamang maintenance, gumikan mas ginapalabi ang paghatag og mga ayuda ngadto sa mga tawo.
