FPRRD, andam mahimong abogado alang kang VP Sara Duterte

Gikumpirma ni Vice President Sara Duterte nga nagboluntaryo sumala pa nga mahimong abogado ang iyahang amahan nga si kanhi Pangulong Rodrigo Duterte.

Gibutyag sa ikaduhang pangulo, nga andam matud pa kining mahimong usa sa mga abogado niya ang kanhi Pangulo, labot sa mga kaso nga ginaatubang niini lakip na ang impeachment case.

Kahinumdumang, nag atubang si VP Sara og tulo ka mga impeachment complaints nga gipasaka sa pipila ka mga pari, religious group ug mga abogado.

Dugang pa sa bise presidente, nga nabalaka sumala pa ang iyahang amahan sa impeachment case niini.

Apan, gipasalig ni VP Sara, nga nagatuo kini nga wala sumala pa siyay gisupak nga balaod.