DAVAO CITY – Giangkon ni kanhi Pangulong Rodrigo Duterte nga suod sila nga managhigala sa nagtago-tago nga si Pastor Apollo Quiboloy.
Kini ang gipaguwa nga pamahayag sa kanhi pangulo human nga mitumaw ang mga pagduda nga gitaguan niini ang pinagita sa balaod nga pastor.
Subay sa gipaguwang video niini sa socal media gikanayon sa kanhing Pangulo ngadto sa mga nagpangutana ug nagduda nga kung sa tan-aw ba niini iyaha bang gitaguan ang Pastor?
Kahinumduman nga niadtong miaging adlaw nanawagan si Duterte ngadto sa iyahang suod nga higala nga motahan na kining malinawon sa iyahang kaugalingon ngadto sa mga otoridad aron nga malikayan ang kagubot tali sa mga otoridad ug sa mga myembro niini.
Samtang una na sab nga gipanghingusgan ni Quiboloy nga sa wala pa moguwa ang kamanduan sa korte nga pagdakop kaniya gumikan sa mga kasong pagpangabusong sekswal,child abuse ug human trafficking, iyaha ng gikanayon nga dili kini magpadakop sa mga otoridad.
Kahinumduman nga si Pastor Quiboloy ang nagsilbing Spiritual Adviser sa panahon ni kanhi Pang.Duterte ug daan ng managhigala kaniadtong mayor pa dinhi sa dakbayan.
Sa nakalabay nga mga bulan, gianunsyo sa Kingdom of Jesus Christ (KOJC) nga gituboy niini si Duterte isip administrator sa mga propyedad ni Quiboloy.
Sa nakalabay nga mga adlaw atol sa gihimong pagsulod sa mga sakop sa kapulisan sa mga propedad ni Pastor Quiboloy aron sa pagsilbi sa arrest warrant gikondena niini ang gihimong lakang sa mga otoridad ug gihulagway sa nahisgutan nga over kill ug excessive ang gipadala nga mga pwersa sa mga gipanag-iyahang propedad sa giisip nga fugitive from justice nga si Quiboloy.
Una na sab nga gisaway ni VP ug DepEd Sec. Sara Duterte Carpio ang gihimong pagsulod sa mga kapulisan nga kung diin namugna ang kagubot tali sa mga supporter ug mga kapulisan.
