Gi-cite in contempt sa kamara si kanhing PCol. Royina Garma kabahin kini sa dili matud pa magtarong ug tubag sa mga pangutana sa komite.
Miduso ug mosyon si Abang Lingkod Representative Joseph Stephen Paduano nga ipa-cite in contempt si Garma gumikan sa padayon kining dili makatubag kabahin sa pangutana ni Paduano kung close o special ba kini si Garma ni kanhing Pangulong Rodrigo Duterte kaniadto, gumikan 15 days lamang gikan sa pag retire ni Garma, na appoint gilayon kini nga mahimong General Manager sa PCSO.
Lakip sa giimbestigahan si Garma sa kamara kabahin sa pagkalambigit niini sumala pa sa Extra Judicial Killing kaniadto sa panahon ni kanhing Pangulong Duterte kabahin sa ginapahigayong war on drugs kaniadto sa nasud.
Makita nga maglisod ug tubag si Garma kalabot sa mga pangutana sa mga kongresista, ug sa dihang gi cite in contempt kini, wala na nakapugong ang kanhing opisyal sa PNP nga muhilak atubangan sa iyahang abogado gumikan wala na nakayanan ang mga pangutana sa mga magbabalaod.
