Gikondena sa lokal nga kagamhanan sa probinsya sa Davao de Oro ang pagpusil patay sa usa ka tribal leader nga nagsilbi nga usab nga forest ranger sa Prk.2, Brgy,Cogonon, New Bataan, Davao de Oro sa miaging adlaw.
Nasayran nga mibista ug nagpahigayon og pagpanubay si Governor Raul Mabanglo aron sutaon ang sitwasyon sa maong panghitabo.
Una na usab nga mikondena si Mayor Atty. Bianca Cualing-Brua sa munisipalidad sa Mawab sa pagpatay sa lider sa lumad nga gihulagway niini nga matinud-anon sa pagpanerbisyo isip Forest Ranger.
Giila ang bikitima nga si Jimmy Digaynon, 59-anyos nga residente sa Brgy. Cabinuangan, New Bataan.
Sumala sa report sa mga otoridad, kalit lamang nga gipusil ang biktima samtang nagpahigayon kini sa iyahang trabaho isip forest ranger kon checker sa mga mo-agi nga mga dump truck naga-quarry sa Prk. 2, Brgy. Cogonon, New Bataan, Davao de Oro.
Subay sa imbistigasyon, nga naglingkod lamang ang biktima sa dihang kalit kining gihunongan sa lalaking naka-motorsiklo ug gipusil-patay sa iyahang lamisa.
Sa pagkakaron, gisingggit sa pamilya ang hustisya ngadto sa biktima. Sa kasamtangan gihaya na sa ilang panimalay sa Prk. Recla, Brgy. Cabinuangan, New Bataan, Davao de Oro.
