DAVAO CITY – Upat ka mga langyaw nga mga investors ang nagpakita ug interes nga magpahimutang ug monorail system sa siyudad sumala sa Davao City Investments Promotions Center (DCIPC).
Una ng gibutyag ni DCIPC OIC Lemuel Ortonio nga sa kasamtangan, nagpabilin pa gihapon sa lamesa ang maong proyekto luyo sa naunang baruganan sa kagamhanang lokal nga hatagan ug prayoridad ang High Priority Bus System (HPBS).
Gikanayong duruha sa mga investors ang nakabase sa China samtang ang laing duruha ang naggikan sa France ug Korea.
Gitataw ni Ortonio nga gitun-an pa karon pag-ayo sa Public Private Property (PPP) secretariat ang proposal sa nahisgutan nga investors.
Una ng gibutyag ni Davao City Mayor Sara Duterte-Carpio sa iyang milabay nga State of the City Address (Soca) nga usa sa iyang hatagan ug pagtagad mao ang modernisasyon sa mga pampublikong sakyanan sa siyudad.
