Floral Dress ni Princess Diana, nahalin og P28 milyon

Nabaligya sa kantidad nga $520,000 o kapin P28 milyon ang floral dress ni Princess Diana.

Sumala sa Julien’s Auctions, kini nga sinina nakit-an nga gisul-ob sa kanhing Princess of Wales sa daghang mga okasyon gikan 1988 hangtod 1992.

Lakip sa mga higayon nga gisul-ob kini mao ang iyang pagbisita sa mga ospital sa mga bata, ug sa iyang mga official visits sa Spain ug Nigeria.

Ang gitawag nga “caring dress” gidisenyo sa sikat nga British salon nga Bellville Sassoon sa United Kingdom.

Lakip usab sa mga nabaligya sa maong auction mao ang coat dress ug cream silk evening gown, nga matag-usa napalit sa kantidad nga $455,000 kon 26 milyon pesos.