DAVAO CITY – Nagbutyag ang usa ka Indonesian nga kasamtangang nagpuyo sa Pilipinas nga si Fitria Waya Cayabyab nga nahitabo ang stampede atol sa football match sa ilang nasud niadtong Sabado tungod wala kadawat ug kapildihan ang mga tagasuporta sa Arema FC tali Persebaya Surabaya.
Sa nahimong pakighinabi sa Bombo Radyo Davao, gikanayon ni Fitria nga duha sila sa pinakahawd nga mga koponan sa ilang football league nga BRI Liga 1.
Matud pa, mao ang pinakaunang kapildihan sa Arema FC sukad-sukad, busa wala giuyunan sa fans sa Arema FC ang resulta sa maong dula nga nadaugan sa Persebaya.
Sigun sab ni Fitria nga pipila sa mga biktima, naningkamot nga mugawas sa exit way sa Kanjuruhan Stadium niadtong tungura apan gumikan sa kadaghan sa mga manan-away nga muabot sa kapin kulang nga 48,000 ka tawo, nangaangol o kon dili pa, nangamatay ang kasagaran sa mga biktima.
Duha sab ka mga pulis ang gikatalang nangamatay sa maong pagpangatake. Dungag pa ni Fitria, kamatikdan sab ang panawagan sa mga katawhan sa nasud mahitungod sa daw usa ka akto sa police brutality.
Gimanduan karon ni Indonesian President Joko Widodo ang halawom nga imbestigasyon mahitungod sa insidente.
Samtang nagpaabot gihapon ug pahasubo ang tibuok kalibutan alang sa mga nakabsan ug kinabuhi sa usa ka pinakalabing makasubo nga trahedya sa kasaysayan sa football karung panahuna.
via || Bombo LJ Florendo
