DAVAO CITY – Gikatakdang maablihan sa mga motorista ang first segment sa Davao City Coastal Road sugod karong Mayo, ning tuiga.
Sumala sa tigpamaba sa DPWH-Davao nga si Dean Ortiz, hapit na makumpleto ang dalan gikan Bago Aplaya hangtud Tulip Drive nga unang gikataho nga ablihan sunod bulan apan gitunong na lang hangtud Mayo gumikan sa pag-abot sa dugang pang mga construction supplies nga gamiton alang sa coastal road.
Hapit na sab mahuman ang main bridge ug ang parehong agianan niini nga gikatakdang ablihan sab pag-abot sa Mayo.
Gipaklaro sab ni Ortiz nga dili garantiya nga maresolba niini ang traffic sa dakbayan ang pag-abli sa maong bahin sa coastal road sanglit ginahuman pa ang kinatibuk-ang proyekto.
Apan gipaniguro sa ahensya nga maresolba sa hingpit ang trapiko kon maablihan na ang parehong segments sa maong coastal road.
via || Bombo LJF
