DAVAO CITY – Patay diha-diha dayon ang usa ka fire volunteer nga usa ka Joher Nagam, legal ang pangidaron residente sa Kadayawan Homes, Bangkal, ning dakbayan sa Davao human nga naligsan sa usa ka Fuso Self-loader truck nga nagdala sa plate number nga AMA 2064 nga gimaneho sa usa ka Jarold Alfonso Jordan, 30 anyos ang pangidaron, residente sa Purok 3, Alambre, Toril, ning dakbayan sa Davao.
Ang duha ka mga sakyanan managsama nga gikan sa norte nga bahin ug padulong sa habagatan nga bahin, apan paghi-abot sa diversion road nawad-an ug control ang driver sa motorsiklo nga mao ang fire volunteer nga nahulog, ug naligsan sa nagsunod nga mao’y nahimong hinongdan sa iyang hinanali nga kamatayon.
Gipahimutang na ang patay nga lawas sa biktima sa usa ka punerarya sa dakbayan sa Davao.
Samtang ang driver sa nakaligis nga truck gipahimutang na karon sa Talomo PNP.
