DAVAO CITY – Sa tumong nga makaangkon ug igong suporta sa mga Filipino inventors ug innovators, usa ka grupo ang nangusog aron nga ipadayon ang pagmugna ug commission aron nga mas molig-on pa ang ilang mga gimugnang teknolohiya ug ingenuity aron aduna silay katakos nga makig-kompetensiya sa world market.
Segun ni Virgilio Sangutan, chairperson sa United Inventors Organization of the Philippines nga panahon na matud pa aron nga ihatag ang tibuok suporta sa mga inventors ug innovators sa nasud pinaagi sa sugyot balaudnon nga House Bill 928.
Suportado sab ang nahisgutan nga panawagan ni Dennis Mercader, founding president sa Inventors, Scientists and Innovators of the Philippines ingon man ni Josefino Tupas, presidente sa Davao Inventors Cooperative.
