DAVAO CITY – Gumikan kay naghitak na karon ang pagpamaligya ug mga nagkadaiyang klase sa haplas partikular na sa online, nanawagan karon ang ahensiya sa Food and Drug Administration (FDA) sa publiko nga likayan ang pagpalit niini ilabi na kung dili rehistrado sa ahensiya tungod kay posibleng mohatud kini ug dili maayong epekto sa panglawas.
Tipik lamang ang pahimangno sa FDA human nga daghanan na ang nagapabaligya online ug mga nagkadaiyang klase sa haplas ingon man mga counterfeit products.
Kung sumala pa ang mas luwas nga produkto, angayan sumala pa nga subayon kung aprubado kini sa FDA.
Gi-awhag sab karon sa ahensiya ang publiko nga mas maayo sumala pa nga bisitahon ang ilang FB page ingon man ang www.fda.gov.ph aron nga masubay kung unsa kadtong mga produkto nga dili rehistrado ingon man nga baligya nga gitugot sa ahensiya.
Gawas sa mga haplas, dili sab sumala pa basta-basta nga mopalit ug mga food supplement sa online ingon man vitamins, imported nga mga ilimnon ug pagkaon, hand sanitizer nga dili rehistrado ug daghanan pa.
Mas maayo sumala pa nga ipahibalo gilayon sa otoridad kung adunay nasayran nga namaligya ug mga counterfeit nga mga produkto.
