FDA nagpahimangno batok sa mga peke nga anti-rabies vaccination

Nagpasidaan Food and Drug Administration (FDA) sa publiko batok sa pekeng anti-rabies vaccines. Matod pa sa FDA, ang mga nahisgutan ang mahimong makahatag ug hulga sa panglawas.

Gumikan niini, nagpahinumdum ang ahensya nga mupalit lamang sa mga establisyimentong lisensyado na nila.

Samtang sa abiso, gipahayag sa FDA nga ang Anti-Rabies Serum (Equine) (Equirab) 200 IU/mL (1000 IU/5mL) Solution for Injection (I.M./S.C.) ang legally registered drug sa ahensya.

Ang Equirab, usa ka anti-rabies nga mihatag ug passive immnunization batok sa rabies.

Samtang nagpasidaan usab ang FDA sa pagbaligya ug pekeng tambal nga nakasupak ubos sa Food and Drug Administration Act of 2009 ug Special Law on Counterfeit Drugs.