Nagpagawas na og Certificate of Registration ang Food and Drug Administration (FDA) sa bakuna sa African Swine Fever (ASF).
Gumikan niini, nagpasalamat ang sektor sa agrikultura sa gipahayag sa FDA ug gikanayong maayong balita kini gumikan kay nakapasar sa pag-imbestiga ang bakuna. Isip chairman sa Pork Producers Federation of the Philippines, Inc. ug presidente sa Agricultural Sector Alliance, Gipahayag ni Rep. Nicanor Briones nga bisan paman dili makahatag ug hulga sa panglawas sa tawo ang ASF, nakahatag usab kini ug epekto sa mga baboy.
Gipahayag ni Agriculture Secretary Francisco Tiu Laurel Jr., magsugod na sila sa pagpakatag sa nahisgutang bakuna sa mga apektadong lugar.
Dugang pa niini, mukabat sa 150,000 ka mga bakuna ang ilahang ipadala dayon sa mga Red Areas sa ASF partikular na sa mga probinsya sa Batangas ug Mindoro sa mosunod nga bulan.
Gipahayag pa sa DA Sec. nga mukabat sa 600,000 ka mga baboy ang pwedeng mabakunahan ug libre nga mubalor sa P350 million ang budget.
Limitado pa gihapon ang suplay sa pagkakaron, apan libre kining ihatag sa DA batok sa nahisgutang sakit.
Kabahin sa kinatibuk-ang 600,000 ang mga bakuna nga nagagikan sa Vietnam ang 150,000 ka mga bakuna nga unang ipanghatag sa Agriculture Department.
Samtang gipaneguro usab sa DA nga migahin kini ug P350 milyon sa pagpalit ug mga bakuna. Ipailalom sa controlled rolled-out nga dumalahon sa Bureau of Animal Industry ang mga bakuna lakip na ang nagagikan sa Vietnam.
Nagpasalamat usab ang sektor sa magbababoy kang PBMM ug Sec. Laurel gumikan kay mahatagan sila ug libreng bakuna ilabi na ang backyard raisers nga grabeng naapektuhan sa nahisgutang outbreak.
Samtang subling mihangyo ang sektor sa magbababoy nga isunod usab sa gobyerno ang bakuna batok sa bird flu.
Dakong tabang na usab kini sa mga hog raisers aron makabaton sila ug kusog nga magbuhi ug magpadaghan sa mga baboy.
Dakong tabang usab kini sa mga konsumante gumikan kay pwedeng mo-ubos ang presyo sa baboy sa higayong mudaghan ang suplay sa karneng baboy sa nasud.
