DAVAO CITY – Hugtanon nga gipanghimakak ni Fr. Bert Alejo ang migula nga balita nga aduna sumala pa siyay gisuhulan nga taga-Davao aron nga iduot si Pangulong Rodrigo Duterte sa isyu sa iligal nga droga.
Matud pa kang Fr. Alejo atol sa eklusibong interview sa Bombo Radyo, walay kamatuoran ang migula nga impormasyon ug mismong ang wala hinganli nga babaye sumala pa ang miduol kanila ug nagpatabang gumikan kay aduna sumala pa kini mga ebidensiya batok kang Pangulong Duterte.
Una ng milutaw ang balita nga gisulayan sumala pa pagsuhol ni Atty. Jude Josue Sabio, Fr. Albert Alejo ug usa ka staff ni Sen. Antonio Trillanes ang giilang si “Jonel” aron nga mamahimon testigo ug iduot ang pangulo sa isyu sa illega drugs.
Una na sab nga gidudahan nga nabayran ang mga unang testigo nga miduhig kang pangulong Duterte sa kasong Extra-Judicial Killing nga nahitabo ilabi na dinhi sa dakbayan sa Davao.
