Davao City – Gikasubo sa mga fans sa Qatar ang nahimong resulta sa unang game sa ilang nasud, batok sa Ecuador atol sa opening game sa FIFA World Cup 2022. Kini ang gikanayon ni Bombo International Correspondent nga si Jeffrey Ybanez nga nagtan-aw sa maong duwa.
Atol sa unang game, nikamada ug duha ka goals si Enner Valencia sa ika-16 nga minuto alang sa penalty kick, ug usa pa ka goal sa ika-31 nga minuto sa maong dula, nga nagbutang kaniya isip all-time highest goal scorer alang sa nasud sukad sa pagkasalmot niini sa World Cup.
Napahamtangan og yellow card ang manduduwa sa Ecuador nga si Jhegson Méndez sa ika-64 nga minuto sa maong dula. Samtang natiketan sab si Akram Afif sa Qatar ug yellow card tungod sab sa violation. Alang sa Group A, sunod nga makalaban sa Ecuador ang Netherlands karong Biyernes, ug Senegal sunod Martes. Samtang makaagbat sa Qatar ang Senegal karong Biyernes ug Netherlands sunod Martes.
Sumala ni Ybanez ang sunod nga dula, mao ang pakigsangka sa Group B, nga mao ang England ug Iran unyang alas- 9 sa gabii, oras sa Pilipinas. Samtang , gikanayon sab ni Valencia nga masaligon gihapon ang mga fans nga makabawi ang ilang nasud sa mga musunod nga mga duwa , ilabi na sa ilang homecourt gipahigayon ang maong torneyo.
