DAVAO CITY – Nangandam na ang Davao City Covid-19 Task Force alang sa pagbalik sa Face-to-face classes sa Davao City.
Sumala kang Dr. Michelle Schlosser, Davao City Covid-19 Task Force spokesperson, undangon na nila ang paggamit sa mga eskwelahan isip Temporary Treatment and Monitoring Facilities (TTMFs) og gikatakda kining iturn-over.
Pero gipaklaro ni Schlosser nga duna pay uban nga magpabiling operational. Padayon usab nga nakig alayon ang Vaccination Cluster sa Department of Education alang sa pag-turnover sa mga eskwelahan nga gigamit isip vaccination sites.
Kahibaloan nga mukabat sa 2,674 beds ang giablihan sa lokal nga panggamhanan aron matubag ang panginahanglanon niadtong 2020 ug 2021 apan karon niubos na ang positivity rate sa 2%.
