DAVAO CITY – Gikatakda na nga ipagula sa lokal nga panggamhan karon semanaha ang executive order kalabot sa mamahimong plano sa ika-80th Araw ng Dabaw karung tuiga.
Matud pa kang City Administrator Zuleika Lopez gihulat na lamang nila karon ang kamandoan gikan kang Mayor Sara Duterte-Carpio.
Ang Araw ng Dabaw, nga ipahigayon sa Marso 16maoy usa sa mga main attractions sa siyudad matag tuig.
Una na sba nga gibutyag ni Lopez nga anaa sa P10 million ang budget sa selebrasyon karung tuiga sa tabang sa mga private donors.
Laraw sa lokal nga panggamhanan nga magbaton ug maximum participation ang tanan nga mga departamento sa maong events partikular na sa tinuig nga civic parade ug daghanan pa.
Pipila sa mga pa-contest nga ipahigayon karong tuiga ang gilangkuban sa logo-making contest diin ang magmadaugon niini maoy gamiton sa pag-promotar sa Davao.
Kalakip sab sa aktibidad ang historical writing contest.
Ang Araw ng Dabaw ginasaulog sa siyudad matag tuig sukad 1990 pinasikad sa Republic Act 7551 diin gikonsidera kini isip special non-working public holiday sa siyudad.
