DAVAO CITY – Gimugna na sa lokal nga kagamhanan sa dakbayan sa Dabaw ang 2022 Pasko Fiesta sa Davao Executive Committee aron planohon ug siguradohon nga mahimong hapsay ang koordinasyon sa tanang mga aktibidad may kalabutan sa maong tinuig nga kalihukan.
Kini ang subay sa gipagawas ni Mayor Sebastian “Baste” Duterte nga Executive Order (EO) No. 50, Series of 2022.
Ang Pasko Fiesta ang tinuig nga kalihukan sa syudad diin ginapahigayon kini subay na usab sa pakigpartner sa mga pribadong sektor sa matag bulan sa Disyembre.
Gawas sa paghinumdom sa nagkadaiyang year-end traditions sa syudad, ang Pasko Fiesta sa Davao celebration nagtumong usab sa pakig-ambit sa espiritu sa paghatag og pagsadya tali sa nagkadaiyang mga sektor sa katilingban ilabi na sa mga kabus pinaagi sa pagpahigayon ug nagkadaiyang mga aktibidad nga makalingaw sa mga dabawenyos.
Ang 2022 Pasko Fiesta Execom ang gilangkuban sa mayor ning syudad isip chairperson; assistant city administrator isip vice-chair; ug ang mga miyembro niini ang gilangkuban sa City Tourism Operations Office (CTOO) officer-in-charge, Human Resource Management Office OIC, City Social Welfare and Development Office head, city budget officer, ug ang city accountant.
Text by || Bombo Angie Chagas
