Giimbestigan na sa Criminal Investigation Detection Group (CIDG) ang pag-imbestiga sa grabeng alegasyon nga usa ka kanhi Philippine National Police (PNP) Chief” ang adunay kalambigitan kang ‘dismissed’ Bamban, Tarlac Mayor Alice Guo.
Sa gipagawas nga pahayag ni CIDG Director, P/Maj.Gen.Leo Francisco, gikanayon niini nga palawman pa ang imbestigasyon aron mugawas ang kamatuoran sa alegasyon.
Gisugdan ang pag-imbestiga sa mga gipangsulti ni Gen. Raul Villanueva, nga kanhi PNP chief nga nakadawat ug dakong suhol kang Guo.
Samtang gipaneguro usab sa CIDG sa publiko ang ilahang pagpaningkamot nga masayran ang nahisgutang heneral aron malipmpyuhan ang kapulisan.
Kung kahinumduman, nabalaka si PNP Chief Gen. Rommel Marbi sa mga alegasyon ni Villanueva ug gikanayong makadaot kini sa imahe sa PNP lakip na ang gobyerno.
Sa laing bahin, gikanayon sa Bureau of Jail Management ang Penology (BJMP) nga nakurat sumala pa si dismissed Bamban Tarlac Mayor Alice Guo, sa dihang iyaha kining nasaksihan ang sitwasyon sa selda nga iyahang puy-an sa Pasig City Jail Female Dormitory.
Gawas pa niini, wala na matud pa silay nadawatan nga negative report kabahin sa una nga gabii ni Guo, sumala pa ni JSupt. Jayrex Bustinera, ang spokesperson sa BJMP.
