-- ADVERTISEMENT --
Gihukman og hangtod 15 ka tuig nga pagkabilanggo ang kanhing Malaysian Prime Minister Najib Razak.
Kini nahitabo human siya mapamatud-an nga guilty sa money laundering ug abuse of power.
Sa desisyon nga gipagawas sa Kuala Lumpur High Court, napamatud-an nga ang 72-anyos nga si Razak guilty sa tanang 21 ka counts sa money laundering ug 4 ka counts sa abuse of power.
Ang kaso may kalabotan sa pagbalhin niya og $543 milyon gikan sa 1MDB o One Malaysia Development Berhad ngadto sa iyang kaugalingong bank account.
Giakusahan sa mga prosecutors si Najib sa pag-abuso sa iyang posisyon isip prime minister, finance minister, ug 1MDB advisory board chairman, pinaagi sa pagbalhin sa kwarta ngadto sa iyang kaugalingong account.
-- ADVERTISEMENT --
