Gipasakaan og kaso sa Office of the Ombudsman si kanhi Education Secretary Leonor Briones, ug kanhi hepe sa Procurement Service sa Department of Budget and Management (PS-DBM) nga si Lloyd Christopher Lao, ug ubang mga opisyal sa DepEd ug PS-DBM tungod sa ₱2.4 bilyon nga overpriced ug outdated nga laptop procurement alang sa mga pampublikong magtutudlo niadtong 2021.
Gipagikanan sa kasong graft, falsification of public documents, ug perjury ang resulta sa imbestigasyon sa Senate Blue Ribbon Committee ug findings sa Commission on Audit (COA).
Gipalit ang mga laptop sa kantidad nga ₱58,300 matag usa, layo sa original nga budget nga ₱35,000, ug napakyas sa pagsunod sa technical specifications sa DepEd alang sa online learning.
Sumala sa Ombudsman nga walay pormal nga Memorandum of Agreement (MOA) tali sa DepEd ug PS-DBM atol sa procurement, hinungdan nga giila kining irregular.
Gibanabana nga ₱979 milyon ang nalugi sa gobyerno, samtang daghang magtutudlo ang mireklamo nga hinay ug dili epektibo ang mga laptop para sa distance learning.
Giapil sa giakusahan ang mga Undersecretary sa DepEd nga sila Annalyn Sevilla ug Alain Pascua, ug mga opisyal sa PS-DBM nga sila Jasonmer Uayan ug Ulysses Mora, ug uban pa.
Gipahamtang usab ang suspension ug dismissal sa pipila ka empleyado tungod sa grave misconduct ug serious dishonesty may kalabotan sa maong procurement.
Ang maong kontrobersiya nagsugod pa niadtong 2021 sa panahon sa pandemya, diin nagpalit ang Department of Education, pinaagi sa Procurement Service sa Department of Budget and Management (PS-DBM), og libohang mga laptop alang sa mga magtutudlo nga nag-shift sa remote learning.
Gibatikos sa COA ang laptop purchase tungod sa pagka-overpriced ug kakulang sa performance, hinungdan nga nipaubos ang target nga unit gikan sa 68,500 ngadto sa 39,583 lamang.
Ang kontrobersiya miresulta sa daghang imbestigasyon ug sa pormal nga pagpasaka og kaso karong 2025
