Nakabsan na sa kinabuhi ang kanhi commissioner sa Commission on Election (COMELEC) nga si Virgilio Garcillano sa edad nga 86. Sumala sa iyang pamilya, kalit lang kini natumba samtang anaa sa ilahang kasilyas niadtong Sabado sa gabii.
Anaa ang kanhing opisyal sa ilahang farmhouse sa Barangay Imbatug, Baungon, Bukidnon. Kahinumduman nga nahimong ilado ang iyahang pangalan tungod sa pagkalambigit sa usa ka wiretapping controversy niadtong 2005.
Sa maong isyu, nadungog sa usa ka tawag sa telepono nga ang gikaistorya sumala pa niini sa pikas linya mao ang kanhi pangulo nga si Gloria Macapagal-Arroyo.
Gipagawas ang maong kontrobersiya nga adunay kalabutan sa canvassing sa resulta sa eleksyon sa 2004 diin midaog si Arroyo batok sa iyahang kontra nga si Fernando Poe Jr.
