Gipasakahan na og kaso sa iyang asawa si Filipino Olympic bronze medalist Eumir Marcial og kasong Violence Against Women and Children ug Concubinage kini human nga naabtan kauban ang iyang kabit sa usa ka condominium.
Subay sa nahimong post ni Princess Marcial, ang asawa sa maong boksidor nga nadakpan matud pa niini ang iyang bana niadtong Oktobre 2024 sa usa ka condo sa Pasay City.
Gani, gibulgar sab niini nga gigamit matud pa ni Marcial ang ilang joint savings aron patukuran og balay ang kabit niini nga taga Zamboanga.
Bisan pa man matud pa nga gihatagan na niini ang iyang bana og ‘chance’, mas nisamot matud pa nga nagbinuang si Eumir.
Apan, sa kabahin sa boksidor, igo ra matud pa niini gidepensahan ang babaye gumikan gitabangan matud pa sa iyang asawa ug igsuon niini sa pagkulata ang maong babaye.
Dugang pa ni Princess nga bisan pa man og gusto niini sulbaron ang ilang problema sa pribadong paagi, apan gumikan sa kaguol sa ilang seguridad ug mga posibleng buhaton sa iyang bana batok sa iyaha, wala kini opsiyon, apan ipost ang ilang kaagi.
Nasayrang gikasal ang duha niadtong tuig 2021.
