DAVAO CITY – Pasakahan ug kaso, kini ang tambag ni Davao City Mayor Inday Sara Duterte-Carpio ngadto sa probinsiya sa Cotabato kalabot sa estudyante nga positibo sa Covid-19 nga misulod sa ilang lugar.
Kahinumduman nga misulod ang 19 anyos nga estudyante lalaki diin gisupak niini ang quarantine protocols sa probinsya o lungsod nga iyang gisudlan hinungdan nga angayan lamang kini nga pasakahan ug kaso.
Nakurat sab ni Mayor Inday dihang nasayran ang gihimo sa maong lalaki.
Kahinumduman nga misulod ang nahisgutan sa probinsiya sakay sa ambulansya nga dala ang usa ka pasyente paingon sa lungsod sa M’lang kaniadtong Mayo 6.
Gikanayong wala ang pangalan sa nahisgutan nga estudyante sa trip manifest sa ambulansya. Wala sumala pa kini nakalista o nakiglambigit sa Task Force Sagip Stranded North Cotabateños ug wala sab kini dala nga health o quarantine certificate gikan sa Davao City.
Gipailalom sa eksaminasyon ang maong lalaki human nga nagbubag ang tutonlan niini hangtud nga nakumpirma nga nagpositibo kini sa Covid-19.
