-- ADVERTISEMENT --
DAVAO CITY – Gihikay na ang kaso batok ngadto sa usa ka estudyante nga nadakpan atol sa drug buy bust operation nga gikasa sa Bansalan Municipal Police Station sa Bayanihan Street, Poblacion Uno, Bansalan, Davao del Sur dili pa lamang dugang.
Balhug na karon sa bilanggo-an ang suspek nga nailang usa ka Kervin Llego Sarte, 23-anyos lumolupyo sa Purok Dike, Brgy. Rizal, sa lungsod sa Bansalan.
Ang dinakpan mikubit sa gipa-on nga P500 ka pesos sa nagpaka arun-ingnong buyer kambyo ang usa ka pakete sa gituohang shabu.
Nakuhang ebidensya gisang-at na sa investigation section sa Bansalan Police Station, samtang mag- atubang ug kasong kalapasan sa R.A 9165 o comprehensive Dangerous Drugs Act of 2002 ang dinakpan.
