Nagmugna kuno ang United States (US) government ug bag-ong military task force nga nakatutok sa pagtabang sa Armed Forces of the Philippines (AFP) sa paghimo ug operasyon sa Ayungin Shoal sa West Philippine Sea (WPS).
Gipahayag ni US Sec. of Defense Lloyd Austin III nga nakighinabi kini sa mga servicemen nga nadestino sa Task Force Ayungin sa katapusang adlaw sa iyahang pagbisita sa Pilipinas.
Mihimo ug routine resupply mission ang AFP sa Ayungin shoal aron magpabilin ang tropa sa kagamhanan nga gitahasang protektahan ang teritoryo sa nasud.
Samtang gipaneguro usab ni Austin nga magpabiling lig-on ang defense alliance sa Pilipinas ug Amerika, bisan paman nga mag-ilis ug liderato ang ilahang nasud gumikan sa paglingkod ni US President-elect Donald Trump sa Enero 2025.
