Gipahayag ni US President Donald Trump nga malampuson nilang napatuman ang pagpangataki sa mga nuclear sites sa Iran, ilabi na sa pinakadakong nuclear program sa nahisgutang nasud nga mao ang Fordow.
Sa social media post niini, gikumperma ni Trump nga gawas sa ilahang pagbomba sa mga nuclear sites sa Fordow, Netanz ug Esfahan, mibalik na usab sa Estados Unidos ang ilahang jet fighters nga gigamit sa pagpamomba sa nahisgutang mga lugar.
Gikabutyag nga unom ka mga bunker buster bombs ang gigamit sa pagpamomba sa Fordow, samtang 30 ka mga Tomahawk missiles ang gigamit sa duha pa ka mga nuclear sites.
Samtang gipahayag usab ni Trump nga gi-awhag niini ang Iran nga mosugot na nga tapuson ang kagubot. Gilauman usab sa gobyerno sa US nga mahunong na ang tensyon sa duha ka nasud ug muhatag kini ug dalan sa kalinaw.
