Miulbo ang usa ka sunog sa tulunghaan sa Brgy. Magnaga, Pantukan Davao De Oro kagabii.
Subay sa report gikan sa mga kabomberohan, pasado alas Nuybe nagsugod ang pag-ulbo sa kalayo sa Magnaga National High School.
Sumala pa sa BFP Pantukan, duha ka mga classroom ang totally damaged samtang usa ang partially damaged.
Milungtad usab og dul-an oras ang pakigkumbati sa mga kabomberohan sa kalayo ayha kini gideklata nga fire-out.
Subay sa gipahigayon nga imbestigasyon sa mga otoridad, electrical short ciruit ang hinungdan tungod sa nabiyaan nga wall fan nga nakasaksak sulod sa classroom.
Nasayran nga nakasinati usab og power interruption sa maong lugar ayha nahitabo ang pag-ulbo sa kalayo.
Mokabat usab sa kapin P600,000 ang kinatibuk-an nga danyos.
Tungod niini, gipahimangnoan ang publiko nga magbantay batok sa tanang posibleng hinungdan sa sunog ilabi na sa kuryente, LPG, open flame, ug uban pa aton malikayan ang susamang panghitabo.
