Eroplano nahagsa sa Kenya, 11 patay

Patay ang 11 ka mga tawo human ang pagkahagsa sa eroplano sa Kenya.

Sumala sa mga otoridad nga 10 European ug usa ka local pilot ang nakabsan sa kinabuhi.

Nasayran nga gikan ang eroplano sa sikat nga beach resort nga Diani padulong sa Maasai Mara game park na kini nahagsa.

Sakay sa eroplano ang walo ka mga Hungarians, duha ka Germans ug Kenyan pilot.

Padayon usab ang gipahigayon nga imbestigasyon sa mga otoridad kabahin sa insidente.