Nakalingkawas sa kamatayon ang kapin sa 50 ka mga pasahero ug lima ka crew human nahagsa ang eroplano sa kadagatan sa Somalia.
Subay sa inisyal nga imbestigasyon, nakasinati og teknikal nga problema ang Starsky Aviation, usa ka Fokker 50 nga eroplano, pipila ka minuto human sa pag-take off gikan sa Mogadishu International Airport.
Dugang pa sa Civil Aviation Authority (CAA) sa Somalia, nagpahibalo ang piloto nga mobalik tungod sa problema, apan napakyas ang eroplano sa paghunong sa runway ug mi-overshoot sa tarmac sa wala pa kini thingpit nga napadulong sa mabaw nga bahin sa dagat.
Luwas nga nakagawas sa eroplano ang mga pasahero human kini mahulog sa Indian Ocean.
Gidayeg usab sa mga pasahero ang pas-pas ug kalmadong desisyon sa piloto aron masiguro ang kaluwasan sa tanan.
Padayon ang imbestigasyon sa mga awtoridad may kalabotan sa maong insidente.
