DAVAO CITY – Gipirmahan na ni Davao City Mayor Sebastian ‘Baste’ Duterte ang usa ka executive order nga magreorganisa sa Davao City Peace And Order Council.
Sa bag-ong executive order 33 Series of 2022 o “An Order Reconstituting The Membership of the Davao City Peace And Order Council”, mamahimong chairperson ug vice chairperson ang city mayor ug vice mayor sa dakbayan nga pagaubanan sab sa mag representante sa DILG city director; City Administrator’s Office; representante sa Sangguniang Panlungsod, chairperson on Committee On Peace and Order and Public Safety; ug Davao City Police Office city director.
Apil sab isip mga opisyales sa bag-ong Peace And Order Council ang mga department heads sa mga lokal ug nasyonal nga mga ahensya sa dakbayan.
Tumong sa maong hingtundan nga maghimo ug programa ug mga lakang alang sa kalinaw ug kahusay sa tibuok dakbayan ug mutubag sa mga isyu mahitungod sa seguridad ug kaluwasan sa katawhan.
Gipasailawom ang maong executive order sa nahimong kamanduan sa Department of the Interior and Local Government nga memorandum circular No. 2019-143 sa Omnibus Guidelines nga nag-amyenda sa pagtukod ug lokal nga mga EOCs base sa EO No. 773, Series of 2009, o mas nailhang “Reorganizing the Peace and Order Council.”
via || Bombo LJ Florendo
