DAVAO CITY – Gi-usikan ang mga environmentalist sa gidangatan sa 150 ka mga puno-an sa dagkong kahoy nga gipangtumbada sa tumong ug tuyo nga himoon nga kongreso ang pangpang sa Davao river, dapit sa Maa.
Sumala pa kang Norma Javillana, sakop sa Sustainable Davao Movement, Save Shrine Hills Cluster, Chairperson sa Tambayan Center for Children’s Right Concern Incorporated, environmentalist ug sakop sa Interface Development Interventions (IDIS) nga sila ang unang nakakita sa pagtumba sa mga puno-an sa kahoy sa dapit ug gi-report sa kagamhanang lokal sa dakbayan.
Gitataw ni Norma Javillana nga kung pagpalg-on sa pangpang sa suba ang katotu-an unta ang biological nga paagi ang gigamit sama sa gihimo sa nasod Singapore. Sa gilapdon sa kakahoyan igo na unta kini nga makapugong sa slope.
Posibleng nagkulang sa tukma nga koordinasyon sa mga buhatan sa kagamhanan hinongdan nga nausik ang 150 ka mga puno-an sa mga kahoy nga gipangtumbada bisan kung pila ka tuig kini nga gi-ampingan.
