DAVAO CITY – Gibutyag sa usa ka Environmentalist group nga gi-usikan sumala pa sa mga Dabawenyos ang tubig nga mamahimo pa nga magamit ilabi na panahon sa El Niño.
Sumala sa Interface Development Interventions (Idis) nga anaa sa 100,000 liters sa tubig ulan nga matigom sa dakbayan sa Davao ilabi sa mga panimalay ug business establishment nga nagpahimutang ug 50-square-meter roof catchment alang sa ulan subay sa mandato sa Rainwater Harvesting Ordinance nga gipalabang kaniadtong tuig 2009.
Sumala pa kang Idis managing trustee Mary Ann Fuentes nga ang mga natigom nga mga tubig-ulan ang mamahimo pa nga magamit sa non-potable usage sama sa paghugas sa banyo, paglaba ug paghugas sa mga plato ug sakyanan.
Bisan nga gibutyag sumala pa sa Davao City Water District (DCWD) nga padayon ang supply sa tubig gikan sa kasapaan sa Talomo-Lipadas watershed, angayan pa gihapon nga magtigom ug tubig ilabi na nga maapektohan sab ang Mindanao sa huwaw.
