DAVAO CITY – Nanawagan karon ang environmental groups sa siyudad nga ihunong na ang clearing sa forested areas partikular na sa Sitio Kalatong, Barangay Carmen, Baguio District ning dakbayan sa Davao.
Sumala pa sa Interfacing Development Interventions for Sustainability (IDIS) nga ang nahisgutang kalasangan nga area ang makonsidera nga nahinungdanon nga parte sa Panigan-Tamugan Watershed nga mamahimong tinubdan sa tubig-mainim sa siyudad sa umaabot nga mga panahon.
Kahinumduman nga tulo ka mga environmental groups ang una ng nagpadayag sa ilang kabalaka nga gilangkuban sa Philippine Eagle Foundation (PEF), Euro Generics International Philippines (EGIP) Foundation, ug Bantay Bukid volunteers diin nagpadala sila ug sulat sa buhatan ni Mayor Sara Duterte ug City Administrator Zuleika T. Lopez, Vice-Chairperson of Watershed Management Council (WMC) aron nga ipasibaw ang ilang panawagan.
Pipila sumala pa sa mga concerns nga kinahanglan nga hatagan ug patagad ang gilangkuban sa forest clearing, illegal nga pagputol ug mga punoan sa kahoy ingon man timber harvesting nga padayon sumala pa nga nahitabo karon sa Sitio Kalatong.
Nakatala sab sumala pa ang grupo ug illegal nga pagtukod ug mga istraktura nga lugar.
Gipamugos sa mga nahisgutan nga ang pagputol ug mga punoan sa kahoy ingon man pagbutang ug mga istraktura ingon man pasilidad sa Sitio Kalatong diin nahimutang saConservation Zone sa Davao City Zoning Map ug Environmental Critical Area sa Watershed Code sa dakbayan sa Davao ang tin-aw sumala pa nga kalapasan sa Watershed Code.
