DAVAO CITY – Gipasalamatan sa environmental group Interfacing Development Interventions for Sustainability (IDIS) Incorporated ang mga sakop sa 19th City Council human nga ilang gipalabang ang ordinansa nga nag-regulate sa sale, distribution, ingon man paggamit ug single-use plastics sa siyudad.
Kahinumduman nga lusot na karon sa pinal nga pagbasa sa konseho ang nahisgutan nga ordinansa.
Una ng gibarugan sa IDIS nga ang paggamit ug single-use plastics sama sa drinking cups, ice cream cups, condiments o gravy containers ug daghanan pa ang dili na ginatugtan nga ibaligya kung walay special permit ilabi na kung kini i-distribute.
Sa kasamtangan, giduso sab sa IDIS ug uban pang environmental groups ang panawagan nga i-ban o i-regulat ang paggamit, distribution, ingon man pagpamaligya sa mga sando bags, labo bags, ug Pet bottles nga wala nahilakip sa gi-aprubahan nga ordinansa.
