DAVAO CITY – Gikumpirma sa 10th Infantry Division ang nahitabong engwentro tali sa 701st Infantry Brigade ug mga sakop sa New People’s Army niadtong Setyembre 10 ug 13 sa Banaybanay, Davao Oriental.
Gikanayon ni Capt. Mark Anthony Tito sa 10TH ID nga napatay sa maong engkwentro ang lima ka mga rebelde nga sila alyas Buddy, alyas Jumong, alyas Bert, alyas Mando, ug alyas Joshua gikan sa grupong Guerilla Front 18 dapit sa Barangay Mahayahay, Lupon ug Barangay San Vicente, Banaybanay, Davao Oriental.
Nasignit sa mga kasundaluhan ang klase-klaseng mga armas ug mga buhing bala atol sa operasyon.
Sigun pa ni Captain Tito nga ginagukod pa nila ang Guerilla Front 18 apan kontrolado gihapon sa lokal nga panggamganan ug kasundaluhan ang sitwasyon sa probinsya.
via || Bombo LJ Florendo
