Embahada sa China sa Pilipinas, gihimakak ang espekulasyon nga adunay virus outbreak sa China

Gipanghimakak sa Embahada sa China nga nahimutang sa Maynila ang mga espekulasyon sa matod pa outbreak sa bag-ong virus sa China ug gitawag kini nga “fake News”.

Nagpagawas sa nahisgutang pamahayag ang embahada gumikan sa mikatag nga mga post sa social media sa matod pa pagsaka sa kaso sa human metapneumovirus (HMPV) nga miresulta sa pagkapuno sa mga hospital sa nahisgutang nasud.

Subay sa pipila ka post, nagdeklara na kuno ang gobyerno sa China ug state of emergency.

Samtang unang gipahayag sa Department of Health nga walay reliable sources ang misuporta sa mikatag nga mga posts sa socmed nga matod pa international health concern ug walay inpormasyon usab gikan sa nahisgutang nasud o World Health Organization (WHO).