DAVAO CITY – Gikumpirma sa tigpamaba ni Atty. Ragen Elly Velez Lao Pamatong o mas nailang si Elly Pamatong nga dugay ng namatay ang nahisgutan.
Kagahapong adlawa gibutyag ni Rameses Javier Casten, political liaison ug “adopted son,” ni Pamatong nga kini ug cardiac arrest sukwahi sa migula nga impormasyon nga natakdan kini ug coronavirus disease (Covid-19).
Nasayran nga sa milabay pa nga bulan sa Hulyo mipanaw si Pamatong sa edad nga 78 anyos sa iyang pinuy-anan sa Bitas, Arayat, Pampanga ug gilayon sab kini nga gi-crimate subay sa hangyo niini ug gidala sa iyang abo sa chapel sa iyang religious group sa Arayat, Pampanga.
Kahinumduman nga ilado si Pamatong nga kritiko ni Pangulong Rodrigo Duterte, mikandidato kini sulod sa pipila ka higayon isip pangulo kaniadtong 2004 ug 2020 elections.
Apan gideklara kining nuisance candidate sa nahisgutan nga panahon. Pakyas sab kini nga makadaug dihang nagpapili kaniadtong tuig 2007 isip gobernador sa Pampanga.
