Gikalingawan sa mga netizen ang usa ka elepante human nga nagbabag kini sa dalan ngadto sa mga motorista nga buot nga muagi sa maong kalsada.
Makita sa maong video, nga ayha makaagi ang mga motorista sa maong dalan, kinahanglan usa kini nga muhatag og mga pagkaon ngadto sa Elepante aron nga tugutan na kining makaagi sa kalsada.
Lakip sa mga ginahungit niini ngadto sa mga byahedor mao ang mga water melon, saging, mga gulay ug uban pa nga pagkaon, aron lamang nga makaagi kini sa maong kalsada.
Naanad na sab ang mga motorista sa maong ginabuhat sa Elepante, diin wala na sab kini nila ginalantaw nga usa ka nagpakahasol sa ilahang pagbiyahe, apan ginalantaw na lamang kini nila isip usa ka kalingawan, diin nalipay na sab kini sila gumikan sa ginabuhat sa maong elepante nga daw susama sa usa ka tax collector.
