Gilauman nga mosaka ang bayranan sa kuryente sa mga konsumante sa Luzon, Visayas ug Mindanao karong Agosto tungod sa pagtaas sa transmission charge.
Sumala sa National Grid Corporation of the Philippines o NGCP, misaka og 22.22 porsyento ang transmission rate alang sa July 2026 billing period, gikan sa ₱1.4367 ngadto sa ₱1.7560 kada kilowatt-hour.
Pangunang hinungdan sa maong pagsaka ang 30.85 porsyentong pagtaas sa ancillary services charges, gikan sa ₱0.7941 ngadto sa ₱1.0391 kada kilowatt-hour.
Gipasabot sa NGCP nga wala kini makaginansya gikan sa ancillary services charges tungod kay direktang gipasa ang mga bayad ngadto sa mga service provider ug uban pang may kalabotan nga entidad.
Ang transmission charge mao ang bayad sa pagpadala sa elektrisidad gikan sa mga power supplier ngadto sa distribution system, diin ang bayad niini gibayran ngadto sa NGCP.
