DAVAO CITY – Ugdaw sa dakung sunog ang F. Bustamante Central Elementary School sa Tibungco, ning dakbayan sa Davao sa sunog nga miulbo mga alas 7:20 kagabii.
Sumala pa sa roving guard nga si Edito Genes Tagbilaran nga kinse ka mga lawak tulongha-an ang naugdaw sa nahisgutan nga sunog.
Gikan siya sa UM Gym kay nagdula sila ug basketball uban sa Unifrutti.
Sa pagbalik pa niya sa F. Bustamante ang usa sa mga lawak niini nagdilaab na.
Dali siya nga mibalik sa Gym ug nagpakitabang sa Unifrutti, nga mao sab ang mitawag sa 911.
Sumala pa kang Edito nga nagpitipiti na ang linya sa kuryente sa bongbong nga bahin.
Sa pagbalik pa niya sa tulongha-an kusog na kayo ang kalayo.
Ang kabomberohan naipit sab sa dagan sa trapeko hinongdan nga wala dayon maka-abot.
