DAVAO CITY – Gibarugan ni Davao City Mayor Inday Sara Duterte-Carpio nga kinahanglan gayud nga palungon ang tanan nga mga electric fans ug air conditioners sa mga places of worship san siyudad gumikan kay makatabang kini aron nga makalikay sa Covid-19 transmission.
Sumala sa Mayor nga tipik lamang kini sa iyang gi-isyu nga nga Executive Order 57-A, nga mag-regulate sa mass gatherings ug pagdili sa non-essential travels sulod sa siyudad.
Una na matud pa nga gibutyag sa mga medical officials nga kinahanglan palungon ang aircon ug electric fan sa enclosed spaces lakip na sa simbahan ug uban ang religious venues. Mas maayo sumala pa nga abli ang mga simbahan aron nga makalusot-lusot ang hangin ug kinahangan nga presko kini.
Gipadungagan na sab karon ang gilay-on sa seating arrangement sa mga church attendees diin kinahanglan nga dili kini moubos sa dos metros gikan sa kanhi usa ka metro lamang.
Kalakip sab sa ginadili karon ang community singing ug kinahanglan nga solo singers lamang ang gitugot apan kinahanglan nga kapin sa tulo ka metros ang gilay-on niini gikan sa mga tawo.
Ginadili na sab karon ang pag-tsismis tali sa mga indibidwal.
