DAVAO CITY – Hingpit na nga gisugdan kagahapong adlaw ang pagpili sa mosunod nga representante sa mga lumad sa Konseho ning dakbayan nga gipahigayon sa Almacen Building sa Catalunan Pequeño ning siyudad.
Kahinumduman nga gatusan ka mga sakop sa Bagobo Klata ang nagtapok aron nga ipahigayon ang tradisyonal nga pagboto alang sa mosunod nga Indigenous People’s Mandatory Representative.
Matud pa kang Cristituto Ingay ang head sa National Commission on Indigenous People (NCIP) nga ipahigayon nila ang pagboto pinaagi sa mga stick diin kung si kinsa kadtong adunay pinakataas nga boto nga makuha, kini ang mosunod nga molingkod sa katungdanan.
Naglaom na lamang si Ingay nga kung si kinsa man ang mosunod nga IP representive, matabangan niini ang sektor sa mga lumad nga nag-atubang sab ug daghanang problema.
Samtang naglaom na lamang karon si outgoing IPMR Bai Halila Sudagar nga unta mahuptan ug tarung sa mosunod nga representante sa lumad ang iyang katungdanan ug maserbisyohan niini ang tanan nga mga lumad sa dakbayan
