Ekonomiya sa Pilipinas molambo og 5–6% sa 2026 ug sa sunod pang duha ka tuig-Sec. Balisacan

Kumpiyansa si DEPDEV Secretary Arsenio Balisacan nga molambo ang ekonomiya sa Pilipinas og 5–6% sa 2026 ug sa sunod pang duha ka tuig.

Matod ni Balisacan, ang konsumo gihapon ang nag-unang nagduso sa pagtubo, nga gisustentohan sa employment ug remittances, samtang ang sektor sa serbisyo ang nag-una sa supply side.

Gilauman usab sa kalihim nga mobalik ang kumpiyansa sa mga konsumidor human sa hinay nga paggasto sa ikatulong quarter.

Dugang pa ni Balisacan, mubu gihapon ang inflation sa 1.7%, padayon nga muobos ang interest rates, ug mas maayo kaysa gilauman ang kahimtang sa world trade.

Tungod niini, gilauman nga magpabilin nga lig-on ang paglambo sa ekonomiya, ilabi na sa ikaduhang quarter sa tuig.